| |
| چهارشنبه 28 دی ماه سال 1384 |
| موراجیعت- « بیزه اولان ظلملر»kampanyası |
سئوگیلی وطنداشلار، 80 ایلدن چوخدورکی، ایراندا فارس شووینیزمی چئشیتلی حاکمیتلرآلتیندا غیر- فارس میللتلره اولمازین ظلم لر ائدیر. بو دانیلماز حقیقت دیرکی ، هم سایجا هم ده مدنییتجه گوجلواولدوغونا گؤره آذربایجان تورکو فارس شووینزمی مظالیمی نین بیرینجی و عمده هدفی اولموشدور. ایستر حاکمیتده ، ایسترسه ده "اوپوزیسیون" جرگه سینده یئر آلان فارس شووینست لرینین بیرگه سعی لری بو اولموشدورکی ، ایراندا اولان میللی ظلم لری اؤرت- باسدیرادیب دونیانین و خالقین یادداشیندان سیلسینلر. فارس شووینیست لری ، آذربایجان تورکونون حسابینا قوردوغو گوجلو مئدیا واسیطه لریله ، بونا معیین قدر نائیل اولوبلار. ایندی ، آذربایجان آیدینینا دوشن وظیفه اوندان عبارتدیرکی ، فارس شووینیست لرینین چیرکین و حیله لی مظالیمینی دونیایا باغیرسین.
عزیز سویداشلار، مظلوم میللتیمیزین حاقلی سسینی و اونا اولان ظلملری دونیایا جار چکمک اوچون بیر کامپانیا باشلادیریق. کامپانیانین هدفی بوندان عبارتدیرکی ، سون یوز ایلده آذربایجان تورکونون باشینا یاغدیریلان بوتون مظالیمین سیاهیسی تدوین اولونسون. بومیللی ضرورتدن یولا چیخاراق آذربایجان آیدینلاریندان رجا اولونورکی ، اؤز یادداشلارینا مراجیعت ائده رک ویاخود سندلی – سندسیز اجتمایی ، سیاسی و ایقتیصادی ساحه لرده، آذربایجان تورکونه اولان بوتون ظلم لرین عنوانی و وسعتی قلمه آلینسین. الیمیزه چاتان یازیلارا اساسأ کامپانیانین نتیجه سی اولاراق بیرکتابچانین نشر اولماسی نظرده توتولور. بو کتابچا باشقا دیل لره ترجمه اولوب اینترنتده ده گئنیش یاییلاجاقدیر. پراتیک اولاراق تمننی اولونورکی ، گوندریلن یازیلار ان اوزونو بیر صحیفه نی آشماسین. اونودا علاوه ائده ک کی ، گؤندریلن یازیلارین قراماتیک قایدالارا اویوب-اویماماسی اؤنم داشیمیر. اؤنملی اولان مظالیمین سیاهیسی و گئینشلییدیر.
اؤنجه ده ن " بیزه اولان ظلملر" کامپانیاسینا وئردیینیز دستک اوچون سونسوز تشکرلریمیزی بیلدیریریک. یازیلارینیزی آشاغیداکی عنوانا گؤندرینیز، لطفأ.
ان درین حرمت لر
گؤنئی آذربایجان انسان حاقلاری تشکیلاتی
azermedia@hotmail.com
|
|
